O Punto Limpo de Ames recibiu máis de tres toneladas de residuos da construción en outubro

O Punto Limpo do Concello de Ames, ubicado na rúa das Hedras do polígono Novo Milladoiro, recibiu preto de mil entradas de residuos ao longo do mes de outubro, de acordo co balance de actividade que onte fixo público a corporación municipal.

Durante este mes, depositáronse máis de tres toneladas de residuos procedentes da construción, como formigón ou ladrillos, neste lugar; ademais de máis de 3.400 quilos de madeira, preto de 1.700 de metais e ata 1.125 pequenos aparatos eléctricos e electrónicos. Tamén destacan neste reporte a gran cantidade de plásticos vertida -superior aos 700 quilos- ou os 94 quilos de roupa entregados neste punto.

Fiebre por las reformas en Ames: los residuos de obra gestionados fueron el doble en mayo

O Punto Limpo de Ames está operativo de luns a sábado en horario de mañá e tarde: dende as 9.00 ata as 15.00 horas e de 16.00 a 20.00 horas. Así mesmo, o pasado mes de outubro tamén estivo activo o servizo do Punto Limpo móbil, un vehículo adaptado para recoller residuos domésticos e outros bens por diferentes lugares e parroquias do concello en horarios prefixados.

Este sistema está pensado para que toda a veciñanza do concello poida desfacerse de forma segura e controlada daqueles obxectos e materiais que non poden ser depositados nos colectores convencionais de materia orgánica, inorgánica, vidro ou papel.