Un calendario cos sabores e o saber de 12 chefs de Carballo

A gastronomía e o talento local na cociña son os protagonistas do calendario do Concello de Carballo para o 2025. Doce cociñeiros e cociñeiras propoñen a través das páxinas do almanaque outras tantas elaboracións, unha para cada mes do ano.

Solombo con cogomelos, salpicón de centola, polbo á grella con puré de patacas, berberechos ao allo ou pesto de pistacho son algunhas das receitas que poñen a disposición de toda a veciñanza. Algunhas con máis dificultade, outras con menos, pero todas pensadas para que calquiera poida poñerse diante dos fogóns e converterse nun auténtico chef. Para facelo aínda máis fácil, os usuarios atoparán na contraportada do calendario un código QR que permite descargar o receitario completo.

Unha escola ambiental en Carballo para valorizar patrimonio natural

Iso é posible grazas a que Nacho Novoa Cousillas, David Fariña Varela, Carmen Bello Pallas, Juan Carlos Lage Varela, Chisco Ramos Varela, Adrián Felípez Agrelo, Pablo Iglesias Pérez, María José Seoane Moreira, Miguel Giaquinto Arán, Xusto Posse Rodríguez, Sergio Recarey García e Rocío Martínez Rodríguez, brindáronse a compartir con todos e todas a súa experiencia no mundo da cociña.

As mulleres do mar amosan o seu labor no mercado de Carballo

Algúns deles participaron na presentación xunto co alcalde, Evencio Ferrero, e a concelleira de Normalización Lingüística, Ángeles Pacoret. O calendario xa está a disposición de toda a veciñanza de Carballo, de balde e ata fin de existencias, en tres edificios municipais: casa do concello, Biblioteca Rego da Balsa e Museo de Bergantiños.