Teo enxalza o deporte local con premios a veciños ilustres

O auditorio municipal Constante Liste albergou onte a primeira edición da Gala do Deporte do Concello de Teo, coa que a Administración municipal quixo distinguir a excelencia e os méritos deportivos dalgúns dos seus veciños e veciñas máis ilustres neste eido. O acto contou coa presenza do conselleiro de Cultura, Lingua e Xuventude, José López Campos.

Entre a nómina de premiados estiveron figuras coma a do futbolista do Real Club Deportivo de La Coruña, David Mella; a da karateka Ruth Lorenzo; a do exciclista e agora promotor de probas deportivas Ezequiel Mosquera; a do socio fundador do Club Ciclista Luou-Teo, Manuel Tallón; ou, xa a título póstumo, a do expresidente da Sociedade Recreativa San Xoán de Calo, Florencio Buján.

Na gala non só se repartiron distincións de carácter individual, senón que o Club San Francisco Teo e o Club de Patinaxe Artística Teo recibiron tamén un premio pola súa traxectoria e contribución ao fomento dos valores deportivos no municipio.

Teo adquiere un inmueble en Cacheiras para crear su primer centro de día

«A primeira de moitas galas»

Arredor de duascentas persoas acudiron a esta gala, na que a alcaldesa de Teo, Lucía Calvo, quixo destacar os «valores esenciais, coma o respecto, a responsabilidade, o compromiso e a dedicación» que van ligados á práctica deportiva. Así mesmo, sinalou que o deporte é unha paixón «moi presente» no municipio teense, que conta con máis de 2.000 federados.

Publican un vídeo para apoiar a hostalaría e a restauración teense

Do mesmo xeito, avanzou que a de onte foi a primeira de moitas galas, porque «en Teo hai moito talento do que presumir» e apostarán polo deporte e as formas de vida saudable, así como polas relacións sociais que neste medio se establecen entre diferentes persoas e culturas.