O pleno de Ames centrarase no SAF e nas declaracións de bens dos edís

O pleno do Concello de Ames reunirase este xoves para celebrar a sesión ordinaria deste mes de xaneiro, que se centrará na aprobación dos modelos de declaracións de bens e actividades dos diferentes concelleiros e concelleiras e na resolución do contrato do servizo de axuda no fogar (SAF).

Con respecto ao primeiro destes temas, o goberno municipal propón que se respaldo cun acordo plenario un modelo que se vén empregando en tempos recentes para este trámite, pero que non foi formalmente aprobado de momento.

Ames leva a pleno o contrato do servizo de axuda no fogar

En relación ao SAF, o grupo de goberno avoga por non ter en conta as alegacións da empresa adxudicataria e trasladar ao Consello Consultivo a intención de resolver o contrato coa mesma ante o incumprimento constatado de obrigas esenciais para a prestación deste servizo.

Ademais, incautaráselle unha cantidade de máis de 132.000 euros sen prexuízo de indemnizacións posteriores.

Outros temas a abordar na sesión plenaria serán a modificación do regulamento da rede de comedores escolares e doutros servizos municipais de conciliación, e unha moción do Bloque Nacionalista Galego para implantar medidas de prevención e resposta fronte ás inundacións.