Extinguido un incendio nun galpón anexo a unha vivenda na Laracha

Os bombeiros do parque provincial de Carballo foron alertados este sábado dun pequeno incendio nun galpón anexo a unha vivenda en Groba (Golmar), no concello da Laracha.

Á súa chegada ao galpón procederon á extinción do lume. Na vivenda non houbo danos xa que aporta que comunica ambas estancias estaba pechada. De todos modos, colocouse o ventilador de presión positiva para expulsar o fume que entrou ao abrir a porta para extinguir o incendio.

Os danos foron mínimos e afectaron só a unha pequena parte do galpón, pero non á súa estrutura.