Piden que o Parador de Muxía estea aberto «o maior tempo posible» ao longo do ano

No marco de Fitur, directivos de Costa da Morte Asociación Turística reuníronse coa presidenta de Paradores, Raquel Sánchez, a quen lle reiteraron a importancia de que o Parador de Costa da Morte, situado en Muxía, estea aberto «o maior tempo posible durante o ano». Esto suporía apostar por unha desestacionalización turística que favorecería a todo o sector, non só de Muxía, senón de toda a comarca.

A proposta xa lle fora plantexada no IV Encontro de Turismo da Costa da Morte, en Vimianzo.

Pola súa banda, Raquel Sánchez, que se amosou disposta a continuar analizando este tema coa CMAT, está estudando as propostas para poder dar unha solución o antes posible.

Outra das propostas achegadas pola asociación consiste en que o Parador de Muxía, nos momentos en que teña a súa capacidade de aloxamento chea, poida redirixir aos seus clientes a outros establecementos hostaleiros da Costa da Morte. Con esta medida, estaríase evitando que estas persoas fosen redirixidas a outros aloxamentos da rede de Paradores situados fóra da Costa da Morte e mesmo de Galicia, prexudicando dese xeito ao sector hostaleiro da contorna.