Unha inspección destapa suposta mala praxe no sanatorio La Robleda do Pino

Un informe do Defensor del Pueblo destapa supostos «castigos», casos de «mala praxe», presuntas irregularidades e violacións de dereitos no Sanatorio Hestia La Robleda, do Pino, tras unha inspección realizada por un equipo de técnicos desa institución «na súa condición de Mecanismo Nacional de Prevención». Un informe segundo o cal nese centro hai persoas ingresadas que son atadas durante semanas e outras que están illadas largos períodos.

«O mero feito de dispor de castigos é pouco terapéutico», indica o informe, que destaca o uso inadecuado de medidas restritivas como a contención habitacional ou mecánica. Sobre as contencións, aprecian que son «práctica habitual», a veces «durante semanas» nas que só se desata para hixiene persoal.

El Defensor del Paciente comunica a Fiscalía el informe sobre La Robleda y responsabiliza a la Xunta por "dejación"

«Illar» é outra «práctica común» sen soporte legal, segundo o informe, que pon o foco nos menores, para os que se pechan dúas habitacións na segunda planta xerando un «falso espazo diferenciado», con acceso a unha habitación e a unha pequena sala.

Os técnicos mencionan a necesidade de extremar o rigor na detección de casos de posible agresión sexual. Citan unha denuncia dunha muller que relatou que lle tocaron as súas partes íntimas e foi insultada, sen que se mencionase resultado algún da comprobación da veracidade do testimonio a través das videocámaras, sobre as que tamén aprecian un funcionamento «especialmente irregular».

Outras deficiencias refírense ao trato «discriminatorio» aos ingresados en Psiquiatría fronte aos do módulo sociosanitario en canto ao uso de dispositivos tecnolóxicos. «Hai persoas ingresadas desde hai máis de 20 anos» e privalas do uso de tales aparatos supón «unha situación clara de vulneración de dereitos», sinálase no informe.

Os técnicos engaden que no momento da visita (en setembro) eran 94 os pacientes e que unha única psicóloga era a encargada de atendelos a todos, pois o outro profesional estaba en excedencia.

A estadía media global, de 187,05 días, está «moi por encima da media de Psiquiatría en Galicia», explican, e «é posible» estar anos nese complexo pese á «estabilidade clínica» (engaden que unha paciente llevaba alí 11 anos).

Pola súa banda, a Consellería de Sanidade di velar «pola correcta atención dos pacientes derivados a La Robleda (na actualidade, 26)» e que está avaliando o informe «co obxectivo de asegurar a mellor atención posible para o conxunto de pacientes que son derivados a este tipo de centros».

Engade que «a Subdirección Xeral de Atención á Saúde Mental ultima un acordo marco para a licitación dos servizos que este tipo de entidades prestan ao Sergas» e que «continuaremos con accións formativas para profesionais enfocadas ao uso seguro de medidas restritivas con finalidade terapéutica». «O Defensor só establece recomendacións ao centro psiquiátrico e ao Sergas, e en ningún caso actuación algunha no ámbito penal», di Sanidade.

O BNG pedirá responsabilidades á Xunta polo que condidera unha «gravísima situación».