Un gandeiro de Santa Comba logra o premio do XX Concurso de Preparadores de Gando Frisón

O recinto da Feira Internacional Galicia Abanca, en Silleda, acolleu este venres a segunda xornada da V Feira Profesional de Maquinaria, Agricultura e Gandaría, Abanca Cimag-GandAgro 2025, que estivo marcada pola celebración de varios concursos de gando vacún de raza frisoa e diferentes xornadas técnicas relacionadas cos sectores que conforman esta mostra.

O gandeiro Iker García Amarelle, da granxa O Rubio, de Santa Comba, resultou o vencedor do XX Concurso Internacional de Preparadores de Gando. Neste concurso participaron nove novos gandeiros de distintos puntos de Galicia, que dispuxeron de dúas horas para pelar e preparar ao animal. O segundo posto foi para Xabi Montes Vilar, da gandería Casa do Rei Holstein, de Rodeiro (Pontevedra), mentres que o terceiro recaeu en María Otero Naval, da gandería Fontixón, de Castro de Rei (Lugo).

A feira Abanca Cimag-GandAgro reúne a máis de 500 firmas do sector agropecuario

Ademais disto, os asistentes tiveron acceso a monográficos e encontros sobre os retos comerciais da gandaría porcina, as novas regulacións de envases de pensos, a innovación no sector forestal, a sustentabilidade da produción láctea, a situación respecto da Enfermidade Hemorráxica Epizoótica (EHE) e da lingua azul, a distribución sostible de xurros, a optimización de datos en granxas de leite e outra materias.

A conselleira do Medio Rural, María José Gómez, participou no acto oficial de inauguración, onde destacou o potencial de Galicia dentro do sector primario.