Fina Paulos e Óscar Rey achegan as claves da Intelixencia Artificial en Muxía

Fina Paulos e Óscar Rey, profesores do IES Maximino Romero, de Baio (Zas), presentaron na biblioteca municipal de Muxía o libro Intelixencia Artificial para a sociedade.

Falaron da Intelixencia Artificial para as persoas dende unha perspectiva educativa, moi amena e práctica. A publicación deste libro busca darlle unha oportunidade de achegarse ao mundo da Intelixencia Artificial (IA) a todas as persoas que non sexan expertas na materia, desde unha perspectiva sinxela e amable para todos os públicos

O acto estivo precedido dunha charla sobre a utilidade práctica da IA na vida cotiá, que foi organizada pola Asociación Cultural Xervasio Paz, coa colaboración do Concello de Muxía e o apoio do BNG.