Ames pon en valor a innovación de empresas coma CATEC

O alcalde de Ames, Blas García, presidiu a visita que membros da corporación municipal fixeron recentemente á sede do Centro Avanzado de Tecnologías Aeroespaciales (CATEC) no parque empresarial do Milladoiro.

Alí, o rexedor amesán destacou que este é o único centro tecnolóxico de toda España dedicado en exclusiva ao sector aeroespacial e sinalou que combina «innovación e excelencia» sendo exemplo das bondades da colaboración público-privada.

InnovAmes abrirase para que participen máis concellos en futuras convocatorias

«Sentímonos moi orgullosos do traballo que realizan empresas como CATEC no noso concello. No parque empresarial do Milladoiro contamos con firmas que son punteiras a nivel nacional e internacional nos sectores da innovación, tecnoloxía, comunicacion e audiovisual, algo que temos que coidar e potenciar para seguir medrando», trasladou García ao remate da visita.

Máis de sesenta enxeñeiros e doutores traballan en CATEC no desenvolvemento de tecnoloxías de fabricación avanzada para outras empresas coma Airbus, as Tier One ou as pemes da cadea de subministros, contribuíndo ao crecemento e a competitividade do sector aeroespacial.

O obxectivo da visita oficial foi explorar posibles sinerxias do centro con outras empresas da zona e a posibilidade de levar a cabo traballos técnicos en colaboración co Concello de Ames como probas de voo en certos espazos.