O BNG de Vimianzo aposta por fomentar o alugueiro das vivendas baleiras

O BNG de Vimianzo solicitará o apoio da corporación para aprobar un plan de vivenda que inclúe un paquete de medidas encamiñadas a fomentar o alugueiro do gran número de vivendas baleiras, e así ampliar a escasa oferta no concello.

Segundo apuntan os nacionalistas, varios factores apuntan unha conxuntura socio-económica favorable para atraer nova veciñanza. Entre eles destacan a dificultade de acceso á vivenda nos nucleos urbanos e periféricos, a mellora das comunicacións ca cidade da Coruña, a evolución positiva da mediana empresa local, así como a reconsideración das contornas rurais como lugar residencial a consecuencia da reclusión forzosa durante a crise do coronavirus.

Duascentas sinaturas para pedir os títulos da parcelaria de Carnés e Cereixo

Benjamín Queiro, voceiro do BNG asegura que «cómpre non deixar escapar esta oportunidade, pois preséntasenos unha inmellorable ocasión para loitar contra o grave problema de envellecemento que sofre o noso concello».

Para estimular aos propietarios para que poñan en alugueiro as vivendas baleiras o BNG propón catro medidas: rebaixar o imposto do IBI a vivenda alugada ao 0,3%, subvencionar o 100% os seguros de morosidade e destrozo a 200 vivendas, poñer a disposición da veciñanza un técnico para asesorar e apoiar a tramitación de axudas.