Expositores de centos de firmas constatan o crecemento de Sedexpo

O recinto da Feira Internacional de Galicia Abanca, en Silleda, acolle desde este mércores unha nova edición, a terceira, da Feira Internacional de Seguridade, Defensa e Emerxencias (Sedexpo), que xuntará na vila pontevedresa centos de empresas destes sectores durante os vindeiros días.

Están confirmadas un total de 387 firmas, o que supón un 71% máis que na anterior edición, as cales proceden de 38 países, que se reparten en 99 expositores ao longo de todo o recinto. Para isto, foi preciso aumentar a superficie expositiva respecto das dúas edicións anteriores ata superar os catro mil metros cadrados.

Sedexpo crece un 22,5% en afluencia y mostró como la Benemérita aborta un 'secuestro'

Neste espazo haberá mostras de equipamento e sistemas de seguridade pública e privada, de material para as forzas e corpos de seguridade do Estado, Protección Civil e Emerxencias; de equipos de protección individual; de ferramentas de ciberseguridade; ou de prevención de riscos laborais.

Alén da proposta expositiva, no marco desta feira haberá tamén demostracións e simulacros de intervención dos operativos de emerxencias, probas de produtos e sistemas e xornadas formativas sobre temas especializados relacionados coa mostra. Neste sentido, hai confirmadas máis de 50 conferencias, que serán impartidas por expertos en materias como o desminado, a loita marítima contra o narcotráfico ou a atención de catástrofes climáticas.

Esta edición de Sedexpo conta de novo co apoio dunha vintena de colectivos, así como de entidades e departamentos da Xunta de Galicia e do Goberno de España.