Trazo réndese ao talento de Rosalía Morlán e faina Filla Predilecta

A poeta Rosalía Morlán xa é oficialmente Filla Predilecta de Trazo, concello onde naceu e do que sempre actuou como embaixadora.

Á homenaxe, presidida pola alcaldesa, Fina Suárez, e o conselleiro de Cultura, Lingua e Xuventude, José López Campos, asistiron tamén o secretario xeral da Lingua, Valentín García; os rexedores de Oroso, Álex Doval, Teo, Lucía Calvo; Ordes, José Luis Martínez, e Tordoia, Antonio Pereiro; a concelleira compostelá María Baleato, responsable de Cultura do PPdeG; o edil de Frades Manuel Ferreiro; concelleiros da Corporación de Trazo, e centos de veciños que quixeron acompañar a súa paisana nada na aldea de Vilariño, onde comezou de nena a escribir poemas.

Nuevos puntos de salida y horarios para la ruta de autobús Trazo-Santiago

A máis literatura, máis lectores e falantes

Na súa intervención, o conselleiro de Cultura salientou o «importante papel» que exerce a creación literaria infantil en galego para «incorporar e incrementar novos lectores e falantes á nosa lingua». López Campos agradeceu a dedicación «profusa e ampla» de Rosalía Morlán á literatura infantil, a través de «excelsas obras» en narrativa, poesía e teatro. Ao respecto, destacou que as súas creacións reflicten «un grande amor, respecto e alta estima polo oficio da escrita, pola nosa lingua e polo público á que van dirixidas».

O responsable autonómico de Cultura valorou a contribución da enfermeira e poeta á hora de atraer novos lectores cara á literatura en galego, «pequenos en idade, pero xigantes en criterio, sensibilidade e fidelidade».

«Autoras coma ti fan cultura, fan país»

«Autoras coma ti fan cultura, fan país e fan que máis dos nosos se animen a ler máis e no noso idioma», sinalou López Campos, para quen o feito de ter referentes dende a infancia en galego fai que os máis novos acaben por sacar «a lingua que levan dentro».

Trazo emprende un ‘Camiño ao respecto’ neste 8-M

Morlán, enfermeira de profesión e docente na Universidade de Santiago (USC), ten recibido numerosos recoñecementos pola súa traxectoria literaria, como a Mención de honra do Premio Arume de poesía ou o accésit do certame Simbad para o recordo. A autora tamén leva a cabo un importante labor de divulgación nos centros educativos onde busca aproximar os rapaces á poesía.