A Laracha acadará un autoconsumo do 56,7% en seis edificios públicos

O Concello da Laracha adxudicará nos próximos días a instalación dun sistema de produción de enerxía fotovoltaica na cuberta do pavillón polideportivo municipal, que abastecerá na modalidade de autoconsumo colectivo con compensación de excedentes a casa do concello, o edificio de servizos múltiples, o edificio administrativo, a biblioteca, a escola infantil e a Casa da Cultura.

Los parques de A Laracha, Muros y Vimianzo acogen seis nuevas empresas

O proxecto está valorado en 119.500 euros e será cofinanciado entre o Concello e o Instituto Enerxético de Galicia (Inega). A achega económica deste organismo é de 86.625 euros. Montaxes Eléctricas S.L. será a empresa que executará os traballos ao ter presentado a oferta máis vantaxosa para o Concello entre as once que concorreron á licitación aberta para a contratación das obras.

«Este sistema fotovoltaico é especialmente favorable para a configuración dos consumos dos edificios municipais, que están concentrados nas horas centrais do día coincidindo coa franxa de maior produción eléctrica», subliñan dende o Goberno larachés.

A Laracha aproba un orzamento de 10,8 millóns e espera obter 1,5 máis de subvencións

Os paneis solares que se instarán alcanzarán unha potencia de 99 Kw. A cuberta do pavillón polideportivo foi o lugar escollido ao ser considerado o máis idóneo por permitir aproveitar a pendente existente, pola súa orientación sur e porque o impacto visual será mínimo. Segundo os estudos do Concello, o autoconsumo con respecto ás cifras actuais será do 56,7 %.