A Xunta proxecta unha nova senda peonil nas marxes do Camiño Inglés en Ordes

O Diario Oficial de Galicia publica este venres o anuncio polo que se somete a fase de información pública o proxecto da Xunta para executar unha nova senda peonil na estrada AC-542, no municipio de Ordes.

De acordo co comunicado pola Administración autonómica, a intención é investir case 1,2 millóns de euros na creación dun novo itinerario de 1,8 quilómetros de lonxitude divididos en dous tramos diferentes que sirvan para continuar a senda xa exectuada no límite entre Ordes e Carral da AC-542 e conectala coa N-550, á altura do lugar do Mesón do Vento.

Brión inicia as obras dunha senda peonil na Chave da Ponte

Así, o primeiro treito comprenderá dende o punto quilométrico 19,600 da AC-542, partindo da senda xa existente na marxe dereita desta vía, pola que discorre o Camiño Inglés, e extendéndoa ata a beirarrúa do punto 20,920. O outro tramo construiríase na marxe esquerda dende o punto 2 ata a glorieta cara á N-550.

O obxectivo da Xunta é que o proxecto poida estar aprobado nos meses de outuno para, a finais de ano, proceder ao levantamento das actas previas das expropiacións e licitar unhas obras que terán unha duración aproximada de seis meses dende o seu comezo.