A Baña activa un plan de vivenda para aumentar a oferta de alugueiros

Como avanzou este xornal hai uns días, o Concello da Baña pon en marcha un novidoso plan de vivenda para dinamizar o mercado do alugueiro no municipio. A intención do Goberno local que preside José Antonio Pereira é darlle uso ás vivendas que se atopan baleiras e, deste xeito, atraer nova veciñanza ao termo municipal. A iniciativa, ademais de facilitar o acceso á vivenda, busca fomentar o asentamento de persoas novas e, polo tanto, contribuír a loitar contra o despoboamento do rural.

A Baña avanza na construción do parque empresarial de Eiroa

Hai uns días o propio rexedor remitíalle unha carta á veciñanza na que explicaba os pormenores da medida, coa que se busca poñer en valor as vantaxes de vivir no rural. "En tempos nos que o acceso á vivenda nos núcleos urbanos é cada vez máis difícil, as contornas rurais como a nosa ofrecen calidade de vida, tranquilidade e oportunidades", sinala Pereira na misiva.

A Baña toma medidas para aumentar la oferta de viviendas en alquiler

Asesoramento en todos os trámites

Así, este novo plan de vivenda contempla dúas liñas principais de apoio para aquelas persoas que dispoñan de inmobles desocupados e queiran poñelos en alugueiro. Por unha banda, a subvención do 100% do seguro de morosidade, coa fin de darlles unha maior seguridade e confianza aos propietarios que aposten por esta vía. Ademais, ofrece asesoramento técnico gratuíto, a través dun profesional do Concello que os acompañará en todos os trámites: elaboración de contratos, cumprimento dos requisitos legais, acceso a subvencións ou melloras, etc.

Deste xeito, o Concello pretende eliminar as barreiras que moitas veces frean aos propietarios á hora de alugar unha vivenda, facilitando e simplificando todo o proceso.

A Baña asume parte da subida do canon de Sogama para non prexudicar os veciños

O alcalde anima as persoas que teñan vivendas baleiras habitables a informarse e participar neste plan, e fai un chamamento ao compromiso colectivo: "Entre todos e todas podemos facer da Baña un lugar aínda mellor para vivir. Este plan é unha oportunidade para xerar comunidade, atraer xente nova e aproveitar o que xa temos: casas que poden volver ter vida e familias que queren empezar un proxecto aquí".

Toda a información poderá consultarse nas oficinas do Concello.