O Goberno de Corcubión recolle sinaturas para instar á Xunta a abrir o centro de día

O Goberno local de Corcubión iniciou unha recollida de sinaturas para demandar á Xunta que abra e xestione o centro de día no edificio que dende hai anos está listo para tal fin. O Executivo municipal porá a disposición da veciñanza un escrito nos establecementos comerciais e hostaleiros.

Ofensiva vecinal para abrir el centro de día de Corcubión

Ademais, organizará operativos na Praza Castelao para reunir sinaturas, que logo se entregarán na Consellería de Política Social.

No manifesto sinálase que «Corcubión leva moito tempo esperando a que o Goberno galego exerza as súas competencias en materia de servizos sociais, para que as persoas dependentes de grado 2 e 3 teñan a posibilidade de acudir a un centro especializado e as familias teñan a tranquilidade de deixar aos seus maiores en mans de especialistas mentres concilian a súa vida laboral».

O escrito destaca, así mesmo, que é necesario que a Xunta xestione «un centro de día público de calidade, para que ninguén quede atrás, e todos e todas teñan as mesmas posibilidade de acceder a este servizo, teñan a pensión que teñan, e sexa cal sexa a súa situación económica».

O alcalde, Xabier Domínguez, dixo que «seguimos firmes co compromiso de abrir o centro de día e de que o Consorcio Galego de Benestar asuma a súa xestión, e volvemos pedir unha cita coa conselleira de Política Social, que aínda non tivo a ben recibirnos».