Acordo para pedir unha base aduaneira en Costa da Morte

Os tres grupos políticos representados no Parlamento apoiaron unanimemente a proposta do BNG para instar ao Estado a establecer unha base permanente do Servizo de Vixilancia Aduaneira na Costa da Morte.

O deputado do BNG, Óscar Insua, recordou que tanto o PSOE, con 28 anos de goberno, como o PP, con 15, «ignoraron sistematicamente a dotación dunha base marítima na Costa da Morte». Os nacionalistas xa rexistraron en febreiro unha iniciativa similar no Congreso dos Deputados.

El hallazgo de un cuarto sumergible en Galicia evidencia el creciente desafío del narcotráfico

Insua subliñou que a Costa da Morte é unha das zonas máis vulnerables ao narcotráfico, como demostra a recente aparición dun narcosubmarino na ría de Camariñas. «As costas galegas están desprotexidas, e os narcos aproveitan os tempos adversos e as festas para introducir droga», alertou. Advertiu tamén da «alarmante» situación do servizo, sinalando «que conta cunha flota desmantelada e infraestruturas inoperativas, como as bases de Ribadeo e Muros».

«Non podemos esperar outros 35 anos nin outro narcosubmarino para actuar», afirmou Insua. Ademais, reivindicou un «Servizo Galego de Vixilancia Aduaneira» con medios propios e coñecemento do territorio.

La investigación del narcosubmarino de Camariñas salta del mar a la tierra

O BNG exixe ao goberno estatal as accións inmediatas para dotar o Servizo de Vixilancia Aduaneira de medios adecuados e establecer unha base na Costa da Morte, «poñendo fin a décadas de abandono e garantindo a seguridade das costas galegas».

Pola súa banda, a deputada camariñana do PP Paula Mouzo subliñou que apoian a proposta, pero sinalou que a iniciativa do BNG «non é todo o ambiciosa que debería para atender as demandas dos traballadores deste servizo para atallar un verdadeiro problema social».

Sinalou que urxe facer unha revisión integral dos medios persoais e materiais que hai para loitar contra o narcotráfico. «Se todos coincidimos que temos medios obsoletos, teremos que pedir a modernización e o reforzo dos medios materiais e tecnolóxicos para atallar un verdeiro problema social», afirmou.