O BNG demanda solucións aos custos da ABAU para os concellos da Costa da Morte

O deputado do BNG Óscar Insua vén de rexistrar varias iniciativas no Parlamento galego nas que insta á Xunta a buscar unha solución para que o concello de Cee e os de toda a contorna non teñan que asumir os custos económicos das probas da ABAU (Avaliación de Bacharelato para o Acceso á Universidade). Propón axudas directas ou outro tipo de medidas, «tendo en conta de que se trata dunha competencia impropia das entidades locais», afirma.

O BNG pide aos concellos de Costa da Morte que cedan solo para vivenda protexida

Este ano volverán celebrarse as probas nos dous institutos ceenses (IES Agra de Raíces e IES Fernando Blanco). Inicialmente, o custo económico para o Concello de Cee ascendía a 15.000 euros, pero en 2024 tivo que aportar 17.542 €, «e neste ano 2025 subiron as contas, e no modelo de convenio para asinar, as cantidades que terán que asumir as arcas ceenses aumentaron de forma considerable, ata os 21.488 €», dixo.

Acordo para pedir unha base aduaneira en Costa da Morte

Por esta razón, a alcaldesa de Cee reuniu a todos os alcaldes da comarca para repartir ese custo entre os concellos, en función do alumnado que aporte cada un ás probas.

Óscar Insua asegura que «a Xunta non pode ser unha convidada de pedra e calar ante unha discriminación máis á comarca», e pregúntase «se acaso teñen que ser os concellos os que paguen as descentralizacións dos servizos».