Negreira renova as pistas de tenis con 80.000 € do Plan Único da Deputación

Negreira loce pistas de tenis renovadas trala reforma financiada con cargo ao Plan Único (POS+) da Deputación coruñesa. Una actuación que permitiu destinar 80.000 euros a substituír o pavimento da instalación con formigón poroso e dotala de novo equipamento ante o deteriorado estado que presentaban as súas redes, liñas de xogo e postes de suxeición. Había quince anos que non se renovaba unha infraestrutura deportiva que fora inaugurada máis de tres décadas atrás.

O presidente da Deputación, Valentín González Formoso, e o alcalde de Negreira, Manuel Ángel Leis, participaron onte no acto de inauguración das renovadas pistas, situadas en Pedra Mámoa.

Ao acto asistiron tamén a deputada de Política Social e concelleira de Deportes, Mar García Vidal, e o presidente do Club de Tenis de Negreira, Jesús Mariño, así como integrantes da Escola Municipal de Tenis e veciños.

Brión innova cun modelo de cociñas colaborativas para produtores locais

Na súa intervención, Formoso subliñou a aposta da Deputación por mellorar as infraestruturas deportivas da provincia. «Este tipo de instalacións teñen un valor social importante. Grazas ao Plan Único, podemos destinar cada vez máis fondos e poñelos ao servizo dos concellos, que son os que mellor coñecen as necesidades da súa veciñanza», afirmou.

Negreira convertirase nun Concello cardioprotexido coa presentación da aplicación Cardioángel

O POS+, ferramenta de cooperación

Segundo dixo, Negreira é un dos concellos que está aproveitando «de forma exemplar» esta «ferramenta de cooperación municipal». Neste sentido, explicou que nos últimos dez anos a Deputación destinou 8,2 millóns de euros a este concello a través do Plan Único. Con esa partida foi posible financiar 35 obras de moi distinta índole, dende pavimentación de camiños ou mellora das redes de saneamento e abastecemento de auga, ata proxectos como o inaugurado onte.

A Deputación destinará aos concellos de Área catro millóns do Plan Social

Para o rexedor de Negreira, a renovación das pistas de tenis era «necesaria», xa que permite recuperar unha instalación moi utilizada. Leis tamén puxo en valor o impacto do Plan Único na xestión municipal. «É un instrumento fundamental que nos permite executar investimentos relevantes para o benestar da nosa veciñanza, e ademais facelo con autonomía local, xa que somos os propios concellos os que decidimos a que obras ou servizos destinar os fondos», sostivo.