A primeira comunidade enerxética de Ames verá a luz pronto para mellorar "a calidade de vida no concello"

Tras meses de traballo colaborativo entre a Oficina de Transformación Comunitaria e o Concello de Ames, o municipio celebrará a vindeira semana un fito clave coa creación oficial de CE Ames Solar, unha ferramenta xurídica sen ánimo de lucro que regulará as comunidades enerxéticas da localidade.

A asemblea constituínte terá lugar o martes 27 de maio no Pazo da Peregrina, coa primeira convocatoria ás 19.00 horas e a segunda ás 19.30. Ames únese así á crecente rede de concellos galegos que apostan por este modelo enerxético participativo, onde as comunidades enerxéticas xa están a xerar importantes beneficios económicos e ambientais para os seus participantes.

Este proxecto naceu no ano 2022, despois dunha xuntanza en Bruxelas do alcalde, Blas García, co eurodeputado Nicolás González Casares, membro da comisión de enerxía, que trasladou ao Concello de Ames as claves a nivel local para abordar os retos enerxéticos en termos de eficiencia e aforro.

Ames pon en marcha unha oficina para fomentar o autoconsumo enerxético

A iniciativa encádrase no Plan de Recuperación, Transformación e Resiliencia financiado por fondos Next Generation EU, a Deputación da Coruña e o Concello de Ames, que fixeron posible a creación da Oficina de Transformación Comunitaria de Ames no ano 2024. Desde entón, o equipo técnico realizou unha avaliación enerxética intensiva do municipio, identificando un potencial significativo para o desenvolvemento de enerxías renovables na zona.

Durante os últimos oito meses, realizáronse varias sesións informativas e obradoiros participativos en zonas urbanas e en diversas parroquias do municipio, así como noutros concellos, onde os veciños expresaron o seu interese en participar nesta iniciativa. Ademais, un estudo técnico preliminar identificou varias cubertas municipais que resultan óptimas para a instalación de paneis fotovoltaicos.

Ames quiere poner en marcha su comunidad energética y la aldea modelo de Ferreiros a mediados del presente año

Todos os residentes, organización e empresas interesadas en participar no proxecto poden asisitir á asemblea constituínte. Durante a reunión, presentaranse os estatutos, o plan de acción e as modalidades para a participación na Comunidade Enerxética.

CE Ames Solar é un proxecto aberto, participativo e sostible que busca contribuír a mellorar a "calidade de vida no concello e á loita contra o cambio climático desde unha perspectiva local".