Convite a mirar o lixo mariño con outros ollos no Bela Fisterra

O colectivo artístico e medioambiental Retoque Retro achega ao Hotel Bela Fisterra a exposición enmarcada na Ruta dos Peixes e dos Faros. Será inaugurada o venres ás 18.30 horas e poderá visitarse ao longo de todo o verán.

Limpeza creativa en Muxía para sensibilizar sobre a contaminación mariña

A mostra presenta unha selección de pezas creadas con plásticos recollidos nas praias galegas e transformadas en criaturas mariñas cheas de cor, humor e mensaxe. Como parte da proposta, ofrécese unha edición limitada de bolsas cun deseño exclusivo que reproduce algunhas das obras expostas. A venda destas bolsas contribúe a financiar o proxecto.

Mar de Fábula apela a unha mellor xestión dos chicotes e cabos nas zonas portuarias

"O Hotel Bela Fisterra, recoñecido polo seu compromiso coa sustentabilidade e o turismo responsable, ofrece un espazo ideal para acoller esta mostra: un hotel ecolóxico, sen plásticos dun só uso, que aposta pola arte, a lectura e o respecto pola contorna natural", subliñan dende Retoque Retro.

Botellas de multitude de países recalan na costa de Camariñas

Este colectivo traballa desde a arte e a reciclaxe para darlle nova vida aos refugallos do mar, convidando a reflexionar sobre o consumo, a contaminación mariña e a beleza das crebas que chegan á costa. A través da súa creatividade, propoñen mirar o lixo con outros ollos.

A Ruta dos Peixes e dos Faros levará esta proposta artística a espazos únicos do litoral galego como a galería Stoupa, de Cee; o Camping do Lago, de Muxía; O Curbeiro, de Camariñas; A Gavilla, de Corcubión, e o Acuario do Grove, entre outros espazos.