Acordo unánime para solicitar a humanización da N-550 en Padrón

O Parlamento de Galicia aprobou por unanimidade a proposición non de lei do PP a través da que se solicita ao Goberno de España que execute con carácter de urxencia as obras de humanización do tramo da estrada N-550 ao seu paso pola Ponte, en Padrón, revisando e actualizando o proxecto realizado no seu día para, de ser o caso, incorporando todas as obras necesarias para a mellora da seguridade viaria e peonil, e renovando a sinalización e mellora da iluminación deste treito.

O PP esixirá no Parlamento que o Estado arranxe un tramo da N-550 en Padrón

O deputado popular Ángel Rodríguez manifestou que «estamos a falar dunha actuación necesaria por razóns de seguridade viaria, xa que as estatísticas de mobilidade apuntan que por este treito da N-550 circulan diariamente, de luns a venres, unha media de preto de 14.500 vehículos, entre turismos e camións».

Padrón impulsa a rehabilitación da Praza de Abastos para convertela nun "referente gastronómico, cultural e turístico"

En concreto, lamentou «a deficitaria seguridade viaria na zona, con múltiples fochancas, deterioro xeral do pavimento, desgaste da pintura da sinalización horizontal, insuficiente iluminación e graves carencias en materia de accesibilidade e seguridade peonil».

«A esta situación engádese que moitos dos peóns que pasan por esa zona son peregrinos que empregan esta vía para acceder ao centro de Padrón», manifestou asimesmo o deputado do grupo popular.