A Xunta asina a cesión das parcelas para o novo centro de saúde de Teo

A Xunta e o Concello de Teo firmaron esta semana a cesión gratuíta dos terreos para que a Consellería de Sanidade constrúa un novo centro de saúde na localidade. O Executivo galego prevé realizar unha inversión estimada de ao redor de 4,3 millóns de euros para a construción desta nova infraestrutura sanitaria.

Teo cede al Sergas una parcela para el nuevo centro de salud de A Ramallosa

A cesión foi firmada ante notario pola directora xeral de Recursos Económicos do Servizo Galego de Saúde, Amparo Posada, e pola alcaldesa de Teo, Lucía Calvo de la Uz.

A parcela que albergará o inmoble conta cunha extensión de 10.539 m² e emplazase no lugar da Ramallosa. Está previsto, ademais, que o novo centro de saúde teña unha superficie que superará os 1.800 m².

A construción deste centro sanitario permitirá achegar unha mellor atención asistencial ao conxunto da poboación deste municipio, ao verse ampliadas tanto as súas dimensións, como a súa carteira de servizos.

O novo inmoble sustituirá os actuais centros de saúde de Cacheiras e de Pontevea, posibilitando unha mellor planificación dos cadros de persoal.

O seguinte paso será a licitación da redacción do proxecto. A Xunta espera contar co proxecto básico e de execución da obra na primeira metade de 2026 para, posteriormente, licitar e adxudicar a súa construción.

De acordo co Plan de Infraestruturas Sanitarias de Atención Primaria da Xunta, a construción do novo centro de saúde encádrase na fase 2 da dita planificación. Porén, a celeridade coa que o Concello de Teo cedeu uns terreos axeitados para levantar a nova edificación permitirá que a veciñanza poida contar con esta infraestrutura sanitaria antes do previsto.

La «celeridad» en la cesión del terreno adelantará el nuevo centro médico de Teo

O novo centro de saúde de Teo estará dotado con 16 consultas de adultos, unha área de saúde bucodental, un despacho de traballo social, dúas salas de técnicas, unha de urxencias, unha sala de toma de mostras e unha sala de espera de extraccións.

Tamén disporá dunha área de atención pediátrica con dúas consultas, unha consulta de matrona, unha de enfermaría pediátrica, unha sala de observación e unha sala de docencia, entre outras dependencias.

Así pois, o Plan funcional deseñado para este novo centro de saúde contempla o incremento de dúas consultas de medicina, dúas de enfermaría, unha de farmacia e unha sala de técnicas, unha área de saúde bucodental, así como un despacho de traballo social.

Ademais, na área de pediatría ampliarase o número de consultas de unha a dúas e dotarase o centro cunha sala de enfermaría pediátrica e unha sala de observación. Tamén contará cunha sala destinada á docencia, unha zona de vestiarios para pacientes e dous despachos para coordinación e atención ao usuario.