A ANPA do CEIP nº 1 de Melide reclama a saída do E-Dixgal

A ANPA O Forte do CEIP Nº 1 de Melide vén de pedir por escrito ante a Dirección Xeral de Ordenación e Innovación Educativa, da Consellería de Educación, a exclusión do centro do programa E-Dixgal.

Familias del CEIP López Ferreiro reclaman salir del E-Dixgal y denuncian trabas de la Xunta

A asociación de nais e pais de alumnos explica que, á hora de prorrogar a participación do centro no modelo de libro dixital, as familias non foron tidas en conta, malia a enquisa que lle fixeron chegar á dirección e que amosa un «claro rexeitamento» ao E-Dixgal e á recollida de sinaturas que levaron a cabo e que representa «algo máis da metade do alumnado do colexio».

Educación reduce la presencia de los libros digitales en las aulas de Primaria

«As familias sentímonos ninguneadas por parte desa Consellería por non prever na normativa o preceptivo estudo da continuidade ou non no Consello Escolar e tamén polo colexio por non ter escoitado a opinión nin a voz das familias», sinala no escrito a presidenta da asociación, Susana Seijas.

A ANPA explica que, de non obter resposta, levará «este atropelo» ante a Valedora do Pobo. A asociación de proxenitores dálle de prazo á Consellería ata o vindeiro venres día 13 para dar unha resposta.

Familias del CEIP de Sigüeiro se unen para reclamar la retirada de E-Dixgal

Do contrario, ameaza con «outras accións» para acadar os seus obxectivos. «As familias tamén somos parte importante da comunidade educativa e merecemos ser escoitadas», conclúe o escrito.