Convite para descubrir a historia das antigas telleiras da Laracha

O Concello da Laracha convida a sumarse o sábado, día 14 de xuño, ao roteiro As telleiras da Laracha, unha proposta cultural que conxuga patrimonio, memoria histórica e identidade local nun percorrido único pola pegada das antigas telleiras no territorio larachés.

As antigas telleiras fan renacer os vínculos que no século XX unían á Laracha co Baixo Miño

A xornada comezará ás 9.30 horas, coa saída en autobús desde a Praza Les Sables d’Olonne da Laracha. O itinerario inclúe visitas aos principais puntos vencellados á fabricación artesanal de tellas e á obtención da materia prima. A primeira parada será no Cancelo, na parroquia de Cabovilaño.

A Laracha acondiciona e pon en valor o Castro de Montes Claros

Seguidamente visitarase o entorno da factoría de Cerámica Campo no parque empresarial. A continuación pasarase por Estramil e A Barreira antes de facer unha parada no campo da feira de Paiosaco, un dos lugares que foron referentes na comercialización das tellas.

Tras visitar a zona das Rañeiras, concluirase na Laracha, en dúas rúas ás que dan nome dous empresarios do sector como foron Epifanio Campo e José Manuel Ferreira Penedo.

Expropiacións de parcelas para restaurar as Torres de Cillobre

O percorrido estará guiado polo escritor, documentalista e divulgador Xabier Maceiras, autor do libro As telleiras da Laracha e os cabaqueiros do Baixo Miño, que ofrecerá en cada punto explicacións sobre os espazos nos que existiron as telleiras, as persoas vinculadas a elas e o contexto histórico e social deste importante sector tradicional da Laracha.

A inscrición é gratuíta e teñen preferencia os empadroados no concello da Laracha ao ser as prazas limitadas. As persoas interesadas poden anotarse cubrindo o formulario en liña, de forma presencial no Concello ou chamando ao teléfono 981 605001.