Medio Rural pagou máis de 5 millóns a gandarías afectadas pola covid das vacas

A conselleira do Medio Rural, María José Gómez, acompañada pola delegada territorial da Xunta na Coruña, Belén do Campo, visitou este mércores a explotación A Ferreira, en Val do Dubra, onde explicou que a Consellería fixo efectivo a comezos desta semana o pago de máis de cinco millóns de euros a preto de 2.560 gandeiros galegos afectados pola Enfermidade Hemorráxica Epizoótica (EHE), coñecida como a "covid das vacas".

¿Qué es la EHE, el “covid de las vacas” que afecta a explotaciones gallegas, y qué efectos tiene?

Estes fondos servirán tanto para compensar as mortes dos animais que deron positivo nesta enfermidade como para subvencionar os custos dos tratamentos veterinarios e desinfectantes dos animais e das instalacións das granxas afectadas en 2023 e 2024.

Cada explotación recibiu preto de 2.000 euros de media, aínda que máis dunha trintena de granxas percibiron contías superiores aos 8.000 euros. A titular de dito departamento autonómico sinalou tamén que as contías por animal falecido van desde os 400 €, por bovino menor de catro meses, ata os 1.600 para os de idade maior ou igual a 18 meses e menores de 120.

Axudas para a recría de razas autóctonas ameazadas

Los ganaderos, indignados: "¿Cómo es posible que una vaca pueda valer distinto si la mata un lobo o si muere por EHE?"

Ademais, durante a visita á explotación en réxime extensivo e de razas autóctonas, a conselleira informou que este xoves se publicará no Diario Oficial de Galicia a primeira convocatoria de subvencións específicas destinadas á recría de razas autóctonas de gando bovino e ovino-caprino ameazadas, cun orzamento de 390.000 euros.

Na mesma liña, a titular de Medio Rural destacou o papel que desenvolven granxas como A Ferreira para producir alimentos saudables, sostibles e de calidade, así como tamén para manter o territorio coidado, xestionando de forma natural a biomasa, algo que axuda, ademais, a previr incendios forestais. No caso da explotación dubresa, conta con corenta e sete vacas cachenas e con cinco reprodutoras de cabra galega.