Oroso suma unha nova centenaria: Áurea Maroño Carballeiro

Oroso conta desde este xoves 12 de xuño cunha nova centenaria. Áurea Maroño Carballeiro, veciña da parroquia da Gándara e natural de Piñeirón, que soprou as candeas polo seu 100 aniversario.

¿Por qué hay tantos centenarios en Galicia?

Ao longo da súa vida, compaxinou o traballo como ama de casa co de gandeira, especialmente no coidado de vacas. Ademais, é nai de dous fillos, avoa de cinco netos e bisavoa de tres bisnetos, converténdose nunha "figura moi querida e respectada na contorna".

Para conmemorar este fito, o alcalde de Oroso, Álex Doval, e a concelleira de Servizos Sociais e Maiores, Lidia López, achegáronse ao seu domicilio para felicitala personalmente e facerlle entrega dun agasallo institucional. Na visita tamén estivo presente o director do Consorcio Galego de Servizos de Igualdade e Benestar da Xunta de Galicia, Perfecto Rodríguez, quen destacou a importancia das persoas maiores na construción do tecido social galego.