O Bloque acusa o PSOE de pactar co PP e traizoar a veciñanza de Ames

Tras o acordo de colaboración alcanzado o mércores en Brión entre o PSOE e o PP, o BNG de Ames destacou que «esta receita leva dous anos cociñándose en Ames, e cheira a rancio».

Dous anos de mandato en Ames: O BNG ve retrocesos cun goberno «personalista e autoritario»

«Fede a personalismo, a autoritarismo e a burla á veciñanza que votou en clave progresista para acadar un goberno de esquerdas e recibiu un pacto PSOE-PP», engaden ao respecto os nacionalistas.

A edil do BNG de Ames Escarlata Pampín participa nun foro sobre a vivenda no Parlamento Europeo

Ademais, tras as verbas do alcalde amesán, Blas García, quen sinalou en declaracións a este diario que dende o BNG «deberían preguntarse cal é a razón pola que cada vez hai máis alcaldes progresistas que non queren formar gobernos de coalición con eles», os nacionalistas sinalan que a razón se debe a que «somos un grupo incómodo, porque esiximos medidas progresistas e sociais que ao PSOE lles molestan». «Entendemos que estean máis cómodos co PP, co que comparten intereses», engaden.

O BNG de Ames esixe investimentos e planificación en deporte

«O PSOE decide non pactar co BNG en diversos concellos como estratexia para intentar recuperarse a nivel nacional logo dunhas eleccións galegas cun resultado penoso, consecuencia da súa falta de alternativas para Galicia. Unha estratexia perigosa, xa que para tratar de afastarse e diferenciarse do BNG bótase en brazos dun PP que aplaude a súa incoherencia e incapacidade de análise político da realidade», engaden desde o BNG.