Reabre A Factoría de Ames mellor illada e con estudo de gravación

As instalacións da Factoría, o local de ensaio a disposición dos grupos musicais do Concello de Ames, volven estar operativas.

Tras as obras ás que foi sometido o edificio, que presentaba deficiencias na cuberta e problemas de humidades e illamento, o inmoble reabre as súas portas co atractivo engadido de contar cun servizo adicional do que non dispoñía ata o de agora. Trátase dun pequeno estudo de gravación para que os grupos poidan mesturar, editar e producir audio por si mesmos.

Ames programa casi 50 actividades para un verano «de acción e cultura»

«A mellora da cuberta e do illamento do local eran traballos moi necesarios», explica a concelleira de Mocidade, Carmen Porto, que avanza a intención do Concello de «ir ampliando os servizos que ofrece A Factoría e dispor un local máis acolledor».

Instalacións de balde e de 10.00 a 22.00 horas

O prazo para que os músicos de Ames que xa empregan estas instalacións poidan renovar a súa solicitude de uso estará aberto do 1 ao 15 de xullo. Unha vez tramitada a renovación, poderán utilizar os locais de balde nas condicións que se establecen no regulamento.

O XXII Certame Literario Concello de Ames premia o talento dos autores en galego

En canto ás agrupacións que desexen facer uso deste servizo poden reservalo sempre que, polo menos, un dos seus integrantes estea empadroado en Ames e que o grupo estea dado de alta no censo municipal de artistas do Concello.

Ames mellora o auditorio de Bertamiráns "cunhas instalacións municipais renovadas e modernas"

O horario de ensaio para todos os días da semana é de 10.00 a 22.00 horas, sempre e cando non interfira en actividades municipais. Os grupos dispoñen de ata tres horas consecutivas á semana para ensaiar.