Un ataque informático suspende as poxas da Central Agropecuaria de Silleda

A Fundación Semana Verde de Galicia viuse obrigada a suspender as poxas deste martes 24 de xuño na Central Agropecuaria de Galicia Abanca.

La Semana Verde de Silleda, un "encuentro único"

O motivo foi un ataque informático sufrido pola Fundación este luns, cuxas consecuencias non fixeron posible comezar o proceso que conleva este marcado, o cal se pon en marcha os luns ás 17.00 horas.

Se ben se intentou solventar a situación para poder levar a cabo a sesión deste martes, non foi posible dada a premura coa que debe iniciarse todo o proceso da central.

Este ataque informático chega menos de dous meses despois, a comezos de maio, da estrea das poxas 100% informatizadas.

No que vai de ano, os datos da central destacan respecto a 2024, coa asistencia de 29.212 animais (un 24,7% máis), mentres que as transaccións ascenderon a 28.471.021 €, un 74% máis.