Denuncian a vandalización dunha marquesiña en Calo: "Ser cívicos e respetuosos co que nos rodea non custa nada"

O Concello de Teo denunciou este martes a través das súas redes sociais un novo acto vándalico, desta vez nunha marquesiña en Calo, que como engaden, xa fora vandalizada hai un ano.

Os operarios retiraron na mañá deste martes o cristal do lateral da marquesiña, para evitar posibles accidentes, que se volverá a colocar o antes posible. "Unha actuación que pagamos todos os teenses, pois o mantemento das marquesiñas é competencia municipal", explican.

Desde o Concello inciden "na importancia de denunciar ou informar destes actos vandálicos, pois as consecuencias, de forma directa ou indirecta, nos afectan a todos".

"Ser cívicos e respetuosos co que nos rodea non custa nada", conclúen desde o Concello.