Ames aproba os bautizos civís para dar resposta á «demanda veciñal»

A partir do verán, se se cumpren as previsións do Goberno de Blas García, as familias de Ames poderán celebrar bautizos civís para presentar ante veciños e familiares os seus fillos menores de idade. Eses actos de Benvida Social, como se denominarán oficialmente, contan xa cunha ordenanza reguladora que este xovesfoi aprobada en sesión plenaria.

Las tiendas que visten a los niños de Santiago de primera comunión: «Se celebran cada vez menos»

A iniciativa foi aprobada co apoio dos concelleiros do PSOE e da edil de Espazo Común, mentres que PP e BNG optaron pola abstención. Á hora de defender a proposta, o voceiro socialista, Víctor Fernández, explicou que este acto de Benvida Social «carente de efectos civís» busca «dar resposta» á solicitude de «moitos veciños» que demandaban unha cerimonia «laica» para presentar os seus fillos ante a sociedade e os seus achegados. A ordenanza que os regula, indicou, recolle os trámites administrativos necesarios, as condicións do acto e a creación dun rexistro onde figurarán os menores obxecto desa benvida.

Ames implanta o bautizo civil para dar resposta a unha demanda veciñal

Votos a favor de Espazo en Común, abstención do BNG e o PP en contra

A favor da iniciativa posicionouse a concelleira de Espazo Común, Luísa Feijóo. «Non exclúe a ninguén, ao contrario, inclúe a todos», salientou sobre unha ferramenta que, ao seu xuízo, «promove o principio de igualdade». «Os símbolos importan», dixo da proposta, que considera propia dun concello «laico, inclusivo e democrático».

Pola contra, a voceira do BNG, Escarlata Pampín, xustificou a abstención do seu grupo en que estas cerimonias «non representan ningún avance nas políticas municipais» e lembrou que hai outros concellos que optaron por suprimilas. Censurou ademais que se trata de actos carentes de efectos xurídicos, pero que «implican un importante traballo municipal», cando o adecuado sería ir cara a simplificación administrativa. «Non ten sentido asumir os seus custos», engadiu.

Pola súa banda, a voceira do PP, Oliva Agra, censurou que os actos de Benvida Social son «un intento de copia do bautizo cristián». Para o PP, non se trata dunha medida prioritaria nin que responda a unha demanda social. A concelleira lembrou que, malia a comezar a implantarse hai máis de 20 anos, son poucos os concellos que decidiron regulalos.

Preguntouse tamén como se van compaxinar coa celebración de vodas, que si teñen validez legal, se dos 200 nacementos que de media teñen lugar ao ano no concello, a metade derivan nun acto de benvida social.

Para os populares sería máis adecuado que as familias que teñen un fillo ou filla recibiran unha tarxeta benvida, similar á implantada pola Xunta, con unha cantidade determinada para compras no comercio local.