Os maiores da Estrada poderán anotarse ao programa de vacacións do Imserso 2025-2026 dende este martes

O Concello da Estrada notificou hoxe a apertura da inscrición para participar no Programa de Vacacións para Maiores organizado polo Imserso, en colaboración coa administración local, para a tempada 2025/2026. O prazo para anotarse comprenderá dende o 1 ata o 23 xullo, con ambos incluídos.

El Imserso lanza viajes a 50 euros para los jubilados con las pensiones más bajas

Poderán gozar deste programa de turismo aquelas persoas que esten empadroadas no Concello da Estrada; sexan maiores de 65 anos; pensionistas de xubilacións do sistema público de pensións; pensionistas de viudez con idade igual ou superior aos 55 anos ou pensionistas de invalidez con outras pensións ou prexubilados (tendo en todos estes casos 60 anos cumpridos).

A Estrada aposta polo "terraceo" todo o ano cunha redución nas taxas

Soamente serán admitidos como acompañantes das persoas inscritas o seu cónxuxe, aínda cando non acade a idade e sempre que reúna tódolos requisitos restantes, e un fillo ou filla con dicapacidade que teña un grao de minusvalía igual ou superior ao 45%.

As solicitudes terán que presentarse no departamento de Servizos Sociais ou por Rexistro de entrada no Concello da Estrada, aínda que tamén se pode completar este proceso a través da sede electrónica da administración local.

Louzao estuda coa Xunta proxectos de «gran importancia» para A Estrada

A adxudicación de prazas será por orde de rexistro de entrada das solicitudes, e aquelas persoas que xa participasen na pasada edición do programa e desexen repetir a experiencia só terán que confirmar a reserva da súa praza no rexistro de entrada do Concello.