As Escolas de Música de Rois e da Baña pechan o curso por todo o alto

A música foi a gran protagonista da fin de semana do 28 e 29 de xuño en Rois e A Baña. As Escolas Municipais de Música de ambas localidades pecharon o curso 2024-2025 con sendas actuacións de fin de curso.

O alumnado das dúas escolas encandilou ao público, mostrando todo o aprendido ao longo destes meses.

Unha trintena de alumnos na Baña

O sábado foi a quenda na Baña, cunha cita para amosar o traballo realizado polo alumnado ao longo do ano e poñer en valor o talento musical local.

Durante o festival, que se esenvolveu nas instalacións da propia escola, o público puido gozar de distintas actuacións, incluída a da recentemente creada Banda da Escola de Música da Baña, presentada oficialmente o pasado 17 de maio.

Durante o curso, formáronse na Escola Municipal de Música Emilio Andújar da Baña unha trintena de alumnos en percusión, vento metal, piano e acordeón.

A concelleira de Acción Social, Mónica González, destacou a importancia da música como "ferramenta educativa e socializadora", e felicitou ao alumnado "pola súa entrega e pola recuperación da Banda da Baña". Ademais, anunciou que durante o vindeiro mes de agosto organizaranse obradoiros gratuítos abertos á veciñanza de piano e acordeón.

Na clausura do festival, González entregou diplomas ao alumnado presente e agradeceu o traballo do equipo docente: Juan Leis (percusión e responsable da escola), Marcos Cernadas (vento metal) e Ramón Leis (piano e acordeón).

Un concerto increíble en Rois

Pola súa banda, ao día seguinte, o domingo, a ESMU de Rois converteu o seu concerto de fin de curso nun gran espectáculo cheo de momentos memorables.

A Escola Municipal de Música de Rois pecha o ano cun gran concerto de Nadal

Dirixido polo responsable da escola, Manuel Villar, e co respaldo institucional do concelleiro de Cultura, Manuel Cobas, e da xestora cultural Anayansi Singh, o evento amosou un gran repertorio onde o alumnado pasou por estilos tan diversos como o pop de The Beatles ou Adele, a electrónica de Vangelis ou clásicos como o Do, Re, Mi de Sonrisas e Lágrimas.

Aínda así, con todo o repertorio, un dos momentos máis emotivos da xornada chegou ao inicio da mesma, coa interpretación da peza Ileana, composta polo profesor Javier á alumna de violoncello Ileana Alba Piñeiro