A ferramenta Vetinen facilitará o ensino do inglés en 52 centros

O conselleiro de Educación, Ciencia, Universidades e FP, Román Rodríguez, xunto a directora xeral de FP, Eugenia Pérez, presentaron no centro tecnolóxico de Cortizo, situado en Padrón, a nova ferramenta de intelixencia artificial Vetinen. Este instrumento chega para mellorar a forma na que se imparte inglés nos ciclos de Formación Mecánica que hai nos trinta centros de formación profesional que dan estas ensinanzas. 

Cortizo ya tiene luz verde ambiental para su fundición de chatarra de aluminio en Coirós

A ferramenta foi impulsada polo Centro Galego da Innovación da FP Eduardo Barreiros, en Ourense, e servirá para que os alumnos poidan aprender inglés recreando situacións reais a través dunha interface en 3D, coas cales poderán simular ás que se verán expostas do día a día do seu traballo.

Vetinen xa saíra á luz nunha experiencia piloto realizada no curso pasado, nos ciclos de Hostalaría e Turismo. Sen embargo, agora axudará a mellorar as ensinanzas de preto de 6.000 estudantes e de 52 centros de formación profesional.

Ángeles Vázquez sitúa a Aluminios Cortizo como ejemplo de empresa sostenible

Román Rodríguez aproveitou a presentación deste instrumento para destacar o «alto valor para reforzar a conexión entre formación e empresa», na medida en que adoita as prácticas das destrezas lingüísticas cos últimos avances tecnolóxicos ao servizo da educación e adaptado ás esixencias do mundo laboral.

Subliñou tamén a súa importancia para impulsar unha FP «innovadora, de calidade e capaz de dar resposta ás necesidades de demanda de profesionais cualificados», da que Cortizo «é un exemplo».