Unha vintena de mozos do programa Xuventude Mentoring visitan a empresa Siemens Gamesa de Oroso

A directora xeral de Xuventude, Lara Meneses, reuníuse hoxe cunha vintena de mozos e mozas que participan no programa Xuventude Mentoring para facer unha visita á empresa Siemens Gamesa, asentada en Oroso. Esta é unha iniciativa impulsada pola Xunta de Galicia que ten como obxectivo axudar aos mozos na súa etapa de transición do mundo académico ao mundo laboral.

Mozos e mozas do programa Xuventude Mentoring coñecen a empresa Congalsa da Pobra

Lara Meneses declarou no encontro que é “fundamental contar coa implicación de entidades e mentores como esta empresa” para ofrecer actividades e visitas formativas á xuventude. Resaltou tamén que o programa busca mellorar as habilidades e competencias dos mozos galegos para buscar emprego, con accións formativas, actividades de networking e con persoas mentoras procedentes do empresariado galego que ofrecen asesoramento e apoio. 

Ademais, a representanteda da Consellería de Cultura, Lingua e Xuventude explicou que a iniciativa está posta en marcha grazas a un convenio de colaboración co Consorcio para o Desenvolvemento de Aplicacións para a Xestión Universitaria, e que conta cun investimento por parte da Xunta de preto de un millón de euros para o período 2024-2025.

Congalsa impulsa a formación laboral da xuventude a través do programa Mentoring

Nesta sétima edición de Xuventude Mentoring, foron inscritas un total de 207 persoas, das que un 10% delas xa teñen emprego. Nas outras seis, calculouse que un 50,3% dos mozos que participaron nelas acadou a inserción laboral.