Medio millón para renovar o complexo deportivo de San Paio de Refoxos de Cee

O presidente da Deputación da Coruña, Valentín González, e a alcaldesa de Cee, Margarita Lamela, asinaron un convenio de colaboración para cofinanciar as obras de reforma integral do complexo deportivo de San Paio de Refoxos. O investimento ascende a 496.707,84 euros, dos cales a Deputación aportará o 80% (397.366,27 €), mentres que o 20% restante será financiado polo Concello.

Acondicionan rúas, prazas e unha escola infantil en Cee

O convenio ten como principal obxectivo a construción dun novo campo de fútbol 7, así como resolver a canalización de pluviais e o saneamento, crear un acceso peonil ao recinto a través dunha senda, renovar a estrada de acceso e ampliar a zona de aparcamento.

«Trátase dun proxecto que contempla importantes melloras non só no eido deportivo, coa construcción dun novo campo de herba artificial que facilitará os adestramentos dos equipos locais, senón tamén mellorando a accesibilidade, seguridade e servizos das instalacións, como o aparacamento», afirmou a alcaldesa.

Lidl, Gadisa y Proyectos Climáticos de Galicia llegan a los polígonos de Cee, Muros y Vimianzo

O presidente provincial destacou que esta actuación «é un exemplo do noso compromiso cos concellos e coa mellora das instalacións deportivas da provincia. Con proxectos coma este, contribuímos a crear espazos máis accesibles, modernos e axeitados ás necesidades dos equipos de fútbol e atletismo».