O Mercamelide ofrecerá grandes descontos en artigos variados do 8 ao 10 de agosto

O Mercamelide na Rúa celebrarase do 8 ao 10 de agosto e ofrecerá a tódolos veciños melidaos e visitantes unha ampla variedade de produtos con grandes descontos en diversos comercios locais da vila. Esta é unha iniciativa impulsada pola Asociación de Empresarias e Empresarios da Terra de Melide (Asetem) e o Concello.

Nestos tres días que comprende a campaña de oportunidades, os negocios participantes porán a disposición dos compradores descontos e rebaixas especiais para animar aos que entren nos seus locais a que compren os artigos e produtos que teñan no seu inventario.

En canto ao horario dos comercios que participan no evento, este será o que xeralmente teña cada un deles, tanto de mañá como de tarde.

Por outra banda, os establecementos colocarán carteis identificativos co obxectivo de que os visitantes poidan recoñecer facilmente aos que participan no Mercamelide.

A edición deste ano coincidirá por segunda vez consecutiva coa esperada Feira Medieval da localidade. Polo que, como este acontecemento provoca unha grande expectación, se prevé que moitos turistas e visitantes achegaránse a Melide para gozar das suculentas ofertas que as tendas locais ofrecerán nesta nova edición.