Pirotecnia, nova muiñeira e documental na festa polos 100 anos de Pontecesures

O Concello de Pontecesures é xa centenario. Na tarde deste xoves celebrou os seus cen anos de vida como municipio independente nun pleno extraordinario no que participaron representantes dos tres grupos municipais, veciñanza e diversas autoridades da comarca.

O acto, desenvolvido no salón de plenos, incluíu a estrea da 'Muiñeira de Cesures' e a proxección dun documental conmemorativo para rematar cunha sesión de pirotecnia. A celebración do centenario de Pontecesures converteuse nun acto de memoria colectiva e de recoñecemento a todas as xeracións que contribuíron a facer da vila o que é hoxe en día, un lugar de xente emprendedora, solidaria e orgullosa das súas raíces, segundo a alcaldesa. «Pontecesures é moito máis que un lugar: é un sentimento, unha maneira de entender o traballo, a vida e a comunidade», dixo. Tamén homenaxeou á primeira Corporación... a do 9-9-1925.