Dodro busca refundar a Asociación Malvalila

Nunha data tan especial como o Día Internacional das Mulleres Rurais, o Concello de Dodro non puido amencer cunha nova mellor que a máis que posible refundación da Asociación Malvalila, unha entidade que estivo en funcionamento dende o ano 2008 ata o 2020 desenvolvendo actividades de todo tipo, pero que viu truncada a súa operatividade coa chegada da pandemia.

Con todo, os dodrenses sempre tiveron presentes as raíces que sementaron esas mulleres para manter con vida e ánimo o municipio e garantir os sorrisos das veciñas, polo que o Concello, coa colaboración da xente que desexe coller o bastón da loita pola igualdade e de ofrecer novas iniciativas dirixidas ás mulleres de Dodro, decidiron que tiñan que volver a dar vida á Asociación Malvalila.

Día Internacional da Muller Rural

Día Internacional da Muller Rural

Deste xeito, segundo explica Isabel Queiruga, unha das socias da entidade, organizaron unha primeira reunión coas novas socias para perfilar as ideas e actividades que buscarán ofrecer nesta nova andadura. «A poboación de Dodro é dispersa, por iso é importante organizar talleres ou saídas para que as mulleres poidan entreterse dalgunha maneira», indica Queiruga