Val do Dubra, un lugar para camiñar ao ritmo dos ríos

Situado no corazón da provincia da Coruña, destaca polos seus roteiros de sendeirismo, que atravesan bosques de gran diversidade natural e se combinan con elementos do patrimonio histórico e etnográfico.

Na súa presenza en Fitur, o Val do Dubra puxo o foco neste conxunto de rutas sinalizadas, que ofrece un amplo abano de posibilidades en función da duración e a dificultade do percorrido.

Entre elas destaca a Ruta da Fervenza do Rexedoiro, o sendeiro máis completo e representativo do concello. O seu principal atractivo é a fervenza do Rexedoiro, situada nun entorno de gran valor paisaxístico rodeado de bosques autóctonos, prados e zonas ribeiregas.

Dentro desta, hai outras rutas non contempladas, como a do río Dubra. Este itinerario circular, de baixa dificultade, segue durante boa parte do seu trazado o curso do río nun entorno sombreado por amieiros, freixos e salgueiros.

Outra opción é a Ruta das Carballeiras, que permite gozar dunha das masas de carballos máis representativas do concello desde a área recreativa de Bembibre. Ademais, achega ao visitante a restos do patrimonio local, como as ruínas da ermida de San Xoán Bautista.

ESPECIAL FITUR 2026

ESPECIAL FITUR 2026

En cambio a Ruta de Remuíño, permite contemplar a natureza de Portomouro e percorre a antiga central hidroeléctrica, o sendeiro tradicional do Remuíño e o Castelo de Portomeiro