Elesky, artista invitada do Ponte Friki de Camariñas

A segunda edición de Ponte Friki, que se celebrará na Ponte do Porto (Camariñas) os días 14 e 15 de marzo, xa ten artista invitada: Elesky, que ofrecerá un concerto na xornada inaugural ás 17.30 horas.

Elesky é unha artista multifacética que conta cun gran número de seguidores nas súas redes sociais e actúa en escenarios de todo o mundo. Co seu piano interpreta emotivas bandas sonoras de videoxogos, cine e animes, o que a converteu nunha referencia no mundo da música e o entretemento. 

Este ano o Ponte Friki duplicará o aforo, xa que se engadirán dúas carpas máis ao pavillón polideportivo de Ponte do Porto.

O cartel promocional, obra da artista @gashadokuroz, foi elixido entre máis de vinte propostas.