Fisterra denuncia o uso indebido dos contedores e o abandono de residuos: a Policía investiga os feitos

O Concello de Fisterra manfiesta o seu "rexeitamento firme" ante os vertidos incontrolados, o uso indebido dos contedores e o abandono de lixo e entullos en distintos puntos do municipio.

"Estas condutas son inaceptables e supoñen un grave prexuízo para a contorna, a veciñanza e a imaxe do noso concello", subliñan dende o goberno local. "Non podemos permitir a degradación do noso entorno", engaden.

Lembran que este tipo de actuacións poden ser obxecto de sanción conforme á normativa vixente. A Policía Local está a realizar traballos de investigación a través das cámaras existentes co fin de identificar ás persoas responsables destes feitos.

Colaboración cidadá

Dende o Concello solicitan ademais a colaboración cidadá e quenes observen algún comportamento similar poden contactar coa Policía Local a través do número. 650 37 39 16. "Entre todos debemos coidar Fisterra e actuar con responsabilidade", conclúen.