Luz, auga e emoción: volven os espectáculos audiovisuais á fervenza do Ézaro

A máxica fervenza do Ézaro (Dumbría) recupera a partir do venres os espectáculos audiovisuais que iluminarán e darán vida á desembocadura do río Xallas no Atlántico.

Baixo o lema O eco do Ézaro, a fervenza iluminarase de 22.30 a 00.30 horas todos os venres e sábados de xullo, agosto e setembro ata o 19 deste último mes.

Trátase dun espectáculo que reforza o atractivo dun dos espazos máis visitados e singulares da Costa da Morte, no que veciños e visitantes poden gozar tamén de múltiples propostas de lecer e exposicións artesanais.

Ademais, ao pé da fervenza sitúase a única oficina de información turística do xeodestino que está operativa durante todo o ano.