MALPICA
Oito expositores amosan a súa arte en barro na Mostra da Olería de Buño
O Forno do Forte xuntará oleiros de España e Portugal na Cocedura Tradicional
Miguel Fernández, esquerda, Antonio Pereira, terceiro, e Ramón Añón, na Mostra da Olería. / Cedida
Añádenos en GoogleA 41ª Mostra da Olería de Buño (Malpica) abriu onte as súas portas e ata o domingo, día 2, ofrecerá exposicións, demostracións ao vivo, obradoiros, música e moita olería feita coa alma.
No acto inaugural, Ramón Añón Añón 'O Cidre' foi distinguido este ano como Oleiro Maior, nun acto no que estivo arroupado polo presidente da Asociación Oleira de Buño, Antonio Pereira 'O Rulo', e o tenente de alcalde de Malpica, Miguel Fernández.
Cartel promocional da XLI Mostra da Olería de Buño. / Cedida
Nesta edición participan oito expositores da vila oleira, que amosan os seus produtos no Parque Luciano García Alén. A maiores, pode visitarse unha exposición de pezas singulares no Teleclub de Buño.
Na xornada deste venres, o oleiro Rubén, de Risco Estudio ofrecerá unha demostración ao vivo ás 13.00 horas, e pola tarde, os oleiros de Alfarería O Rulo impartirán un obradoiro de barro para nenos.
Cocedura tradicional
O sábado será unha xornada especial xa que terá lugar a II Cocedura Tradicional no Forno do Forte, do século XVIII, na que participarán oleiros de diversos puntos de España e Portugal. A xornada complementarase coa Festa da Carroa, a partir das 21.00 horas, que inclúe cea, música e boa conversa.
O domingo haberá novas demostracións ao torno a cargo do oleiro Pablo, de Risco Estudio (12.00 horas) e O Rulo (18.00 horas).
Os máis pequenos poderán gozar de actividades lúdicas e inchables, e non faltarán tampouco a música e o baile, a cargo de Os Jaitas Blue e Raigañas.
- El libro gallego que ha conquistado a Pedro Sánchez: 'Una obra maravillosa
- Una sola inyección para frenar la pérdida de visión: el nuevo tratamiento contra la degeneración macular
- Las mejores orquestas de Galicia se reúnen a media hora de Santiago esta semana: Panorama, París de Noia, Los Satélites y Olympus en una fiesta de cinco días
- Nace una nueva comisión de fiestas en Santiago para 'facer cidade': 'Queremos recuperar ese espíritu das grandes festas populares
- “Padrón es el pueblo donde más vendemos”: madrugones, tradición y oficio en el mercado dominical
- «Tengo clientes que vienen de Noia, Ordes o Padrón»: el barbero marroquí con agenda llena en O Milladoiro
- Varios detenidos en una operación contra el narcotráfico en Muxía
- Laureano Oubiña estalla tras el veto de la Xunta a su ruta del narcotráfico: 'Quieren que vuelva a las andadas
