Extinguido o incendio de Rois logo de queimar 25 hectáreas
Rois. O incendio rexistrado no concello coruñés de Rois, na parroquia de Leroño, deuse por extinguido ás 11,45 horas deste martes, segundo informa a Consellería do Medio Rural sobre un lume que comezou o luns ás 16,26 horas.
Segundo as últimas estimacións, afectou a unha superficie de 25 hectáreas, das cales 23 corresponden a monte arborado e os dous restantes a raso.
O lume declarouse onte ás 16.26 horas tal e como indicaron fontes de Protección Civil. Sopraba vento do nordés, o que fixo que as chamas se extendesen.
Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un número anónimo e gratuíto para denunciar calquera actividade delituosa incendiaria: 900 815 085. Toda a información actualizada pode seguirse na conta de twitter: @incendios085.
EUROPA PRESS/C.G.