Barbanza recupera o patrimonio grazas ós fondos de cooperación
A Xunta de Galicia reservará inicialmente tres millóns de euros nos orzamentos do próximo ano para convocar por primeira vez un Fondo de cooperación coas entidades locais destinado a apoialas no financiamento da adquisición e promoción de vivendas de nova construción para alugueiro social.
Así o avanzou este xoves no municipio de Noia a conselleira de Medio Ambiente, Territorio e Vivenda, Ángeles Vázquez, durante o acto de sinatura dos convenios correspondentes á última convocatoria do Fondo de cooperación de rehabilitación do Instituto Galego da Vivenda e Solo (IGVS), un instrumento de apoio financeiro a concellos de menos de 50.000 habitantes para proxectos de recuperación do patrimonio construído.
Este ano, segundo explicou a responsable autonómica, serán 11 as actuacións municipais que se executarán ao abeiro deste programa grazas aos convenios de colaboración asinados entre a Consellería e os 9 concellos beneficiarios. Deste xeito, as entidades locais poderán acceder a préstamos sen xuros para financiar os seus proxectos, fondos que deberán devolverlle ao IGVS nun prazo de ata oito anos.
O acto de sinatura entre a conselleira e os rexedores desenvolveuse no antigo estaleiro de Hermida que pronto se reconverterá na nova sede do Club do Mar de Noia, xa que o equipo de goberno que lidera Santiago Freire Abeijón utilizará o préstamo da Xunta, de 400.000 euros, na rehabilitación destas instalacións.
Na provincia da Coruña tamén se executarán con cargo aos convenios do Fondo de cooperación a reconstrución e ampliación dun inmoble da rúa Galicia, en Ribeira, para destinalo a edificio administrativo, usos múltiples e biblioteca municipal por valor de 893.736 euros; o Concello de Abegondo adquirirá por 400.000 euros a vila colonial na finca Os Loureiros; Sada destinará 487.130 euros na rehabilitación de piscina municipal; Vilasantar empregará 40.745 € para a humanización do contorno do cruceiro de Laxe; e Ares investirá 273.073 € no proxecto básico do centro sociocomunitario da familia e 290.041 na adecuación dun local no lugar de Sesenlle.
Na provincia de Ourense, o Concello de Maside dedicará 200.000 euros á rehabilitación do colexio vello; mentres que en Lugo, no Cervo, investirán máis de 650.000 euros na adquisición de dez vivendas unifamiliares adosadas para posterior restauración e outros dous bloques de vivendas no lugar de San Cibrao, coa mesma finalidade.
Exercendo de anfitrión e en nome dos demais representantes locais, Santiago Freire agradeceu a Ángeles Vázquez “o seu compromiso inversor con todas estas iniciativas que supoñen para todos importantes investimentos para as distintas localidades. É unha responsabilidade de todos eliminar eses elementos que distorsionan a paisaxe e este covenio vai facilitar que moitas desas edificacións que necesitaban unha mellora poidan verse reforzados e integrados paisaxisticamente”.
No caso de Noia financiarán as obras do vello estaleiro vinculado á carpintería de ribeira no que agora buscan recuperar esa actividade vinculada a actividade náutica pero da man do club de remo noiés, que albergará a súa nova sede.
Conselleira de Medio Ambiente, Territorio
e Vivenda
Durante o acto de sinatura dos convenios correspondentes á última convocatoria do Fondo de cooperación de rehabilitación do Instituto Galego da Vivenda e Solo (IGVS), a conselleira lembrou as dificultades coas que se atopan habitualmente os concellos á hora de obter financiamento para poder levar a cabo proxectos do seu interese. Por iso, e co fin de completar o actual Fondo de cooperación de rehabilitación –impulsado en 2017 e grazas ao cal xa se financiaron preto de medio cento de actuacións en 25 municipios por un total de 11 millóns de euros–, a Xunta porá en marcha o vindeiro ano un segundo programa de préstamos de apoio ás entidades locais.
Aínda que o funcionamento de ambos fondos será similar (préstamos sen xuros que se financiarán cos depósitos das fianzas do IGVS), Ángeles Vázquez explicou que o obxectivo desta nova iniciativa será facilitar aos concellos a liquidez necesaria para promover ou comprar vivendas de nova construción dirixidas a alugueiro social. En todo caso, os detalles e requisitos a cumprir estableceranse unha vez saia a convocatoria, o próximo ano.
“Esta é a liña que temos que seguir dende a Xunta de Galicia, estar ao carón dos concellos porque sodes os que mellor coñecedes as necesidades da xente que vos rodea”, afirmou a conselleira.
Conservar y recuperar el patrimonio construido en la Comunidad. Eso es lo que permiten estos fondos, que dan liquidez a las administraciones municipales para tal fin y permiten que estas puedan devolverlo en plazos cómodos y sin intereses. Y, paralelamente, la Xunta busca tener una Galicia más hermosa, combatiendo el feísmo, y poder dar más y mejores actividades a la ciudadanía. Quizás sin este apoyo muchos de los proyectos que se van a acometer tendrían que esperar años para poder ejecutarse. Convertir una vivienda en un local social, edificios abandonados que se destinarán a viviendas sociales... dando una nueva vida a edificios. Es un instrumento de colaboración, de apoyo, y necesario para allanarles el camino.