Evacuado un estradense con queimaduras nun brazo ao incendiarse a súa casa
A Estrada. Un veciño da Estrada tivo que ser evacuado esta tarde debido a un incendio na súa vivenda, segundo informa 112 Galicia. O home foi trasladado ao centro hospitalario de referencia con síntomas de intoxicación por inhalación de fume e tamén con algunhas queimaduras nun brazo. Os feitos ocorreron ás 16.40 horas no número 70 da rúa San Paio. O lume queimou un sofá e a estancia quedou afectada polo fume.
Nos labores de auxilio participaron os Bombeiros de Silleda, axentes da Garda Civil e da Policía Local. J. M.
11 feb 2023 / 20:20
Noticia marcada para leer más tarde en Tu Correo Gallego
Selecciona los que más te interesen y verás todas las noticias relacionadas con ellos en
Mi Correo Gallego.