Viaxe ao pasado mariñeiro da vila sonense da man da súa confraría

Preservar o pasado e facelo accesible a todo o mundo. Con esas premisas botou a andar Porto do Son Mariñeiro, un escaparate virtual orientado á posta en valor do patrimonio da confraría de Porto do Son a través da dixitalización do seu arquivo. Este ofrece de forma rápida e estruturada unha gran cantidade de información a través da rede, en archivo.cofradiaportodoson.org.

Desde 1923 cando se formalizou como pósito de pescadores, foise xerando a documentación que permite coñecer as orixes e evolución da institución, e que explica os cambios do territorio e do modo de vida das xentes do mar ou mesmo a transformación dos seus oficios. A súa creación remóntase ao 15 de abril de 1923 pero non é ata o ano 1945 cando se convirte na actual confraría, xogando un papel importante no desenvolvemento da vila.

Entre os documentos máis destacados está o primeiro libro de actas da entidade, onde están rexistrados os acordos tomados polos órganos de goberno dende o 1923 a 1934. E en canto ás súas funcións máis importantes, destaca a asistencia social aos socios e ás súas familias, a ordenación da pesca, a venda do peixe, e as melloras nas embarcacións.

Uns fondos documentais formados por 1.600 expedientes recollidos en preto de 40.000 imaxes que permiten volver a vista atrás, blindar a cultura e revitalizar o patrimonio.